Python Introduction | Python Ka Taaruf
Python ek mashahoor programming language hai. Is ko Guido van Rossum ne ejaad kiya tha, aur 1991 main release kiya tha.
Ye mundarja zail kaamon ke liye istaimaal hoti hai:
- Web Development (server-side) Programing ke liye,
- Software Development ke liye,
- Mathematics ke hisab hal karne ke liye,
- System Scripting likhne ke liye.
Python kiya kar sakti hai?
- Python ko web applications banane ke liye server par istaimaal kiya ja sakta hai.
- Python ko kaam ke bahao banane ke liye software ke sath istaimaal kiya jata hai.
- Python database ke nizam ke sath jur sakta hai. Ye files ko parh sakti hai aur un main tabdeeli bhi kar sakti hai.
- Python ko bare bare mawaad ko sambhalne ke liye ke liye istaimaal kiya jata hai aur mushkil riyazi ke hisab ko hal karne ke liye bhi ye kam aati hai.
- Python ko pehla tez namoone ke tor par aur pehle se tayar shuda software banane ke liye istaimaal kiya jata hai.
Python kiyoon seekhen?
- Python mukhtalif platforms par kam karti hai jesa ke (Windows, Mac, Linux, Raspberry Pi, wagherah).
- Python ki coding ka jo syntax matlab hidayat hain wo bilkul aam hai aur English zaban se milta julta hai.
- Python ka jo syntax hai wo developers ko bilkul chota code likhne ki ijazat deta hai, is ke muqabile main aur languages main code zyada likha jata hai.
- Python interpreter system par chalta hai, iska matlab hai ke code jese hi likha jata hai usko chalaya ja sakta hai aur result li ja sakti hai. Jis ka matlab ye hua ke result buhut jaldi aata hai.
- Python main aam Procedural programming bhi ki ja sakti hai aur OOP (Object Oriented Programming) main bhi kaam kiya ja sakta hai.
Python kese install karen?
Kafi computer aur mac main python pehle se installed hota hai.
Windows main dekhne ke liye ke python install hai ya nahi, dhoondna shuru karen start bar se python ko chalake dekhen, ya Command Line(cmd.exe) main ye talash karen:
C:\Users\Your Name>Python --version
Linux ya Mac main python ki installation ko dekhne ke liye Linux main command line aur Mac main Terminal ko khol ke type karen:
Python --version
Agar aap ko python apne computer main pehle se installed nahi milta to aap isko muft main https://www.python.org/ download kar sakte hain.
Python Jaldi Se Shuru Karen
Jesa ke python ek interpreted programming language hai, jis ka matlab hai ke programmer ke tor par aap python ka code likhte hain aur un files ko Python ke interpreter ki taraf bhej dete hain, ke wo chal saken.
Command line main python file chalane ke liye ye command hoti hai.
C:\Users\Your Name>Python helloworld.py
Jesa ke "helloworld.py" aap ke python file ka naam hai.
Ab aaen hum apna pehla python ka file likhte hain, jiska naam hoga helloworld.py, isko hum kisi bhi text editor main likh sakte hain.
Ab hum simple notepad kholte hain aur us ke andar neeche diya hua code type karenge.
print("Hello, World!")
Buhut hi aasan hai ye, ab aap is file ko save karen helloworld.py file ke naam se. Ab aap command line kholen, ab aap us directory ko kholen jahan par aap ne ye file mahfooz ki hai, aur is ko run karen.
C:\Users\Your Name>Python helloworld.py