Jesa ke market main Data Visualization, Data Science aur apne karobar ko sambhalne ke liye koi esi cheez matloob hoti hai jo kam waqt main hamen ye bata de ke hamara business kahan ponhcha hai?
Hum konsi product sale karen jis se faida zyada ho? Konsi product hamen nuqsan de rahi hai?
Market main kya chal raha hai? Pichle saal hum ne kiya business kiya?
Aur us pichle saal main kiya kiya kami thee, jo hamen is saal nahi karni chahiyen?
Ye sara record ya database, aur data ko visualize karna, isko data science ke zariye se sambhalna, ye sara kaam hum Excel se shuru kar sakte hain.
Iska matlab ye hargiz nahi ke ye saare kaam sirf Excel main hi hum kar paaenge.
Excel ek bunyadi shurwat hai data science ki, data ko manage karne ki, data ko visualize karne ki.
Visualize ka matlab hai ke aap data ke charts ya graphs banaen, jin ki madad se aap ki data bilkul waaziye ho jaegi aur samajh main bhi aaege.
Jese aap cricket match ka graph dekhte hain, us main ye dikhae deta hai ke kis mulk ne kitna score kiye, uske kitne khilari bold hue wagherah.
To graph ke zariye se ye samajhna aasan ho jata hai.
In charts ke zariye se aap sab kuch samajh sakte hain, future planning kar sakte hain. Iske liye hamen pehle Microsft Excel seekhna parega.
Us ke baad hum ahista ahista next jo steps aaenge jis main Python language hai uske kuch chapters seekhenge, thori si SQL seekhenge aur kuch tools hain jin ko hum seekh kar practice karenge.
Hum thori si Statistics bhi seekhenge jo ke data science ke liye buhut aham hai.
Microsft Excel ko open kese karen?
Sab se pehle hum start button par click karke Excel type karenge to hamare saamne excel ka option ajaege, ab hum is pe click karege.
Hum jese hi is par click karenge to hamare saamne Excel khul jaegi aur jo pehli screen saamne aaegi wo neeche tasveer main aap dekh sakte hain, ke kafi saare bane banae templates mil jate hain, jin par hum asani se kam kar sakte hain.
Daaen taraf aap ko ek sidebar dikhae de raha hai, jahan par hum ne jo Recent Files pe kaam kiya hoga un ki list ajati hai.
Yahan se hum un main se koi bhi pehle se mahfooz shuda file khol sakte hain, us pe kam kar sakte hain.
Oopar ek search bar aa raha hai, jahan par likha hua hai ke Search for online templates, wahan se bhi hum kafi internet se templates dhoond sakte hain, aur un ko istaimaal kar sakte hain.
Magar sab se pehle hum Blank Workbook par click karenge aur seekhne ki koshish karenge.
Hum jese hi is Blank Workbook par click karenge to hamare samne Excel ki pehli screen show ho jaege jis par hum kam karenge, iske liye aap neeche di gae tasveer ka mutaila karen.
Rows aur Columns mil kar ek cell banate hain. Aap oopar dekh rahe hain ke hamara cursor Column A aur Row 1 main mojood hai, islye isko A1 Cell kaha jaega.
Ab agar hum apne mouse se Column H aur Row 8 par click karenge to Excel hamen bataega ke aap H8 Cell par mojood hain.
Jahan par cell ka reference ya naam dikhata hai usko hum Name Box kehte hain. Aur jahan par formula zahir hota hai usko Formula Bar kaha jata hai.
In dono ko samajhne ke liye aap neeche di gae tasveer ka mulaila karen.
